دارالعلوم انوار مصطفیٰ
کی ڈیجیٹل دنیا میں خوش آمدید

 بزم طلبا بنام بزم قادری: مختلف علمی و ثقافتی معلومات کو فروغ دینے اور طلباء کی صلاحیتوں کو بیدار کرنے کے لئے اساتذہ کے زیر نگرانی ہر جمعرات کو بعد نماز عشاء تربیتی اجلاس کا انعقاد ہوتا ہے ،جس میں طلبا کو تقریر،نعت و منقبت خوانی و سندھی غزل شریف وغیرہ کی باقاعدہ ٹریننگ دی جاتی ہے ۔اور بزرگان دین کے اعراس جیسے عرس غوث اعظم ،عرس خواجہ غریب نواز،عرس مخدوم بہاؤالدین ذکریا ملتانی ،عرس مخدوم جہانیاں ،عرس اعلیٰ حضرت،عرس صدرلشریعہ وعرس حافظ ملت وغیرہ ،اور اسلامی تہوار جیسے جشن عید میلاد النبی ﷺ،شب معراج،یوم عاشورا وغیرہ کے مبارک موقعوں پر خصوصی پروگرام ہوتا ہے ،جس میں طلبا کے درمیان انعامی مقابلہ ہوتا ہے۔غرضیکہ ہر ممکن طریقہ سے اخلاق و کردار اور تقریری و نعتیہ صلاحیت کو بہتر سے بہتر بنانے کی کوشش کی جاتی ہے ۔اور الحمد للہ دار العلوم کے اساتذہ کی کوششیں سو فیصد برآور ثابت ہوتی ہیں ۔ اس بزم و دارالعلوم کے اصلاحی پروگراموں کی کارکردگی اس انسان سے پوشیدہ نہیں ہے جو دارالعلوم کے کسی بھی پروگرام یا سالانہ جلسۂ دستار بندی و عرس بخاری یا کسی بھی ایسے جلسہ میں شریک رہا ہو جس میں دارالعلوم کے طلباء نے اپنے نورانی بیانات،عرفانی خطابات اور مختلف زبانوں میں عمدہ معلومات افز ادینی مکالمات و دلکش نغمات پیش کیئے ہوں۔